Leis dictatorialas

Las "leis dictatorialas" (en ucraïnian: закони про диктатуру) es l'escais que recebèron popularament una tièra de dètz leis que limitan considerablament la libertat d'expression e lo drech de se reunir en Ucraïna. Foguèron ratificadas pel Parlament d'Ucraïna lo 16 de genièr de 2014, jorn sonat "lo dijòus negre" e signadas pel president Víktor Ianokòvych lo jorn seguent. Aquelas leis volguèron portar una responsa immediata a las manifestacions proeuropèas conegudas coma EuroMaidan qu'an desestabilizat lo govèrn ucraïnian pro-rus dempuèi decembre de 2013, en respectar pas lo foncionament normal de las institucions del país per votar de leis semblantas. Marcan una progression dins l'autoritarisme del govèrn de Ianokòvych, a limitar la democracia dins lo país en lo portar cap a una situacion semblanta a la de Bielorussia.